ភាសាខ្មែរ |

To read this text in English, hold your mouse over the section of text you want to read. The words will appear in a small box.

សម្រាប់ព័ត៌មានបន្ថែមជាភាសាកំណើតរបស់អ្នក និង/ឬជាទម្រង់ងាយស្រួលផ្សេងទៀតដូចជាអក្សរបោះពុម្ពធំៗ ឬអក្សរសម្រាប់មនុស្សពិការភ្នែក (Braille) សូមហៅទូរស័ព្ទ ទៅផ្នែកជម្រើសការថែទាំសុខភាព តាមលេខ 1-844-580-7272 (TTY 1-800-430-7077)។

តើអ្វីជាការផ្ដួចផ្ដើមនៃការថែទាំដែលមានការសម្របសម្រួល?

កម្មវិធី Medi-Cal របស់រដ្ឋ និងកម្មវិធី Medicare របស់សហព័ន្ធបានចូលរួមជាមួយគ្នាដើម្បីបង្កើតវិធីថ្មីៗសម្រាប់អ្នកដើម្បីទទួលការថែទាំសុខភាពរបស់អ្នក។ កម្មវិធីនេះហៅថា ការផ្ដួចផ្ដើមនៃការថែទាំដែលមានការសម្របសម្រួល ឬហៅកាត់ថា CCI ។ គោលបំណងនៃកម្មវិធីនេះគឺដើម្បីកែលម្អការថែទាំសុខភាពសម្រាប់អ្នករស់នៅរដ្ឋកាលីហ្វ័រញ៉ាជាច្រើនដែលមានទាំង Medicare និង Medi-Cal ព្រមទាំងសម្រាប់ពលរដ្ឋជាច្រើនទៀតដែលមានតែ Medi-Cal ប៉ុណ្ណោះ។ CCI មានបំណងផ្ដល់នូវការគាំទ្របន្ថែមជូនអ្នក វេជ្ជបណ្ឌិតរបស់អ្នក និងអ្នកផ្ដល់ការថែទាំសុខភាពផ្សេងទៀត។

CCI មានពីរផ្នែកគឺ៖

- - Cal MediConnect នឹងគួបផ្សំអត្ថប្រយោជន៍ Medicare និង Medi-Cal របស់អ្នកជាមួយគ្នា ទៅជាគម្រោងសុខភាពតែមួយ។ គម្រោងនេះក៏នឹងផ្ដល់ជូនអ្នកនូវការធ្វើដំណើរបន្ថែមទៅកន្លែងផ្ដល់សេវាសុខភាព និងផ្ដល់អត្ថប្រយោជន៍សម្រាប់ភ្នែកផងដែរ។ វេជ្ជបណ្ឌិត និងអ្នកផ្ដល់សេវាដែលទទួលការយល់ព្រមផ្សេងទៀតរបស់ Cal MediConnect នឹងធ្វើការរួមគ្នាដើម្បីជួយឲ្យអ្នកទទួលជំនួយសុខភាព និងអ្នកផ្ដល់ការថែទាំសុខភាពដែលអ្នកត្រូវការឲ្យស្ថិតនៅក្នុងផ្ទះ និងសហគមន៍របស់អ្នក ជំនួសឲ្យការទៅមន្ទីរពេទ្យញឹកញាប់ ឬធ្វើដំណើរទៅកន្លែងថែរក្សាមនុស្សចាស់។
  - សេវាកម្ម រយៈពេលវែងនៃប្រព័ន្ធ Medi-Cal និងការគាំទ្រឬ (MLTSS) គឺជាផ្នែកទីពីរនៃ CCI ហើយតម្រូវឲ្យប្រជាពលរដ្ឋចូលរួមក្នុងផែនការ Medi-Cal ដើម្បីទទួលអត្ថប្រយោជន៍ Medi-Cal របស់ពួកគេ។ នេះរួមបញ្ចូលទាំងអ្នកដែលមានតែ Medi-Cal ប៉ុណ្ណោះ និងអ្នកដែលមានទាំង Medi-Cal និង Medicare ហើយមិនជ្រើសរើសចូលរួមក្នុង Cal MediConnect។ អត្ថប្រយោជន៍ទាំងនេះគឺជាសេវាកម្ម និងការគាំទ្ររយៈពេលវែង (LTSS) និងជាសេវាកម្មដែល Medi-Cal ធ្វើការជាមួយ Medicare ដើម្បីទូទាត់ប្រាក់សម្រាប់ការព្យាបាល។ Medicare របស់អ្នកនឹងមិនផ្លាស់ប្ដូរឡើយ ប្រសិនបើអ្នកចូលរួមក្នុងផែនការ Medi-Cal ។

ទោះជានរណាម្នាក់ជ្រើសរើស Cal MediConnect (Medicare និង Medi-Cal រួមគ្នា) ឬ MLTSS ក៏ដោយ (រក្សា Medicare នៅដដែល ហើយរើសផែនការ Medi-Cal មួយ) ក៏អ្នកទាំងអស់គ្នាត្រូវតែចូលរួមក្នុងផែនការណាមួយក្នុងចំណោមគម្រោងទាំងនេះ ដើម្បីរក្សាការទទួលអត្ថប្រយោជន៍ Medi-Cal។

តើ CCI នឹងមានឥទ្ធិពលដល់អ្នកទេ?

CCI នឹងមានឥទ្ធិពលដល់អ្នកដែលរស់នៅក្នុងខោនធីទាំងចំនួនប្រាំពីរនេះប៉ុណ្ណោះ៖

Los Angeles	San Diego
Orange	San Mateo
Riverside	Santa Clara
San Bernardino

- Cal MediConnect៖ ប្រជាពលរដ្ឋភាគច្រើនក្នុងខោនធី CCI ទាំងចំនួនប្រាំពីរនេះ ដែលទទួលអត្ថប្រយោជន៍ Medicare ពេញលេញ (ផ្នែក A និងផ្នែក B) និងអត្ថប្រយោជន៍ Medi-Cal អាចចូលរួមក្នុងផែនការសុខភាព Cal MediConnect បាន។
- MLTSS៖ ប្រជាពលរដ្ឋភាគច្រើនដែលរស់នៅក្នុងខោនធី CCI ណាមួយក្នុងចំណោមខោនធីទាំងចំនួនប្រាំពីរនេះ ហើយទទួលសេវាកម្ម និងការគាំទ្ររយៈពេលវែង Medi-Cal ត្រូវចូលរួមក្នុងផែនការ Medi-Cal ដើម្បីទទួលអត្ថប្រយោជន៍ទាំងនោះ។ សេវាកម្ម LTSS រួមទាំងកម្មវិធីសេវាកម្មមនុស្សចាស់តាមពហុបំណង (MSSP) សេវាកម្មមនុស្សពេញវ័យក្នុងសហគមន៍ (CBAS) សេវាកម្មគាំពារនៅតាមផ្ទះ (IHSS)និងការថែទាំសុខភាពរយៈពេលវែង។
- PACE៖ ប្រសិនបើអ្នកមានអាយុ 55 ឬចាស់ជាងនេះ ត្រូវការជំនួយបន្ថែមដើម្បីរស់នៅក្នុងផ្ទះរបស់អ្នក ហើយប្រសិនបើអ្នករស់នៅក្នុងកូដប្រទេសមួយចំនួន អ្នកអាចចូលរួមក្នុងផែនការ PACE សម្រាប់អត្ថប្រយោជន៍ Medicare និង Medi-Cal របស់អ្នក។

តើមានប្រជាពលរដ្ឋដែលមិនអាចចូលរួមក្នុង Cal MediConnect ដែរឬទេ?

ពិតជាមាន! ប្រជាពលរដ្ឋខ្លះមិនអាចចូលរួមក្នុង Cal MediConnect ។ អ្នកមិនអាចចូលរួមក្នុង Cal MediConnect បាន ប្រសិនបើអ្នក៖

- - - មានអាយុតិចជាង 21 ឆ្នាំ។
    - កំពុងវិវដ្ដទៅរកពិការភាព។
    - ទទួលសេវាកម្មនៅមជ្ឈមណ្ឌលតាមតំបន់ (Regional Center) ឬ មជ្ឈមណ្ឌលអភិវឌ្ឍន៍របស់រដ្ឋ (State Developmental Center) ឬក៏តាមរយៈការលះបង់សិទ្ធិ DDS ឬ ICF/DD។
    - មិនបំពេញតាមសោហ៊ុយរួម (ចែករំលែក) នៃ Medi-Cal របស់អ្នក។
    - មានជំងឺតម្រង់នោមដំណាក់កាលចុងក្រោយ (End-Stage Renal Disease, ESRD) លើកលែងតែនៅក្នុងខោនធី Orange និង San Mateo ប៉ុណ្ណោះ។
    - មានអត្ថប្រយោជន៍ Medicare មួយភាគ ឬ ការរ៉ាប់រងសុខភាពផ្សេងទៀត ដូចជាការរ៉ាប់រងសម្រាប់ការចូលនិវត្តន៍ ការរ៉ាប់រងសម្រាប់ទាហានជើងចាស់ ឬ ការរ៉ាប់រងឯកជន។
    - រស់នៅក្នុងផ្ទះទាហានជើងចាស់។
    - ទទួលសេវាកម្មតាមរយៈកម្មវិធីបោះបង់សិទ្ធិណាមួយក្នុងចំណោមកម្មវិធីទាំងនេះ៖ អគារគិលានុបដ្ឋាន/មន្ទីរពេទ្យសង្គ្រោះជំងឺធ្ងន់ធ្ងរ ការរស់នៅដោយមានជំនួយ ការវះកាត់នៅផ្ទះ ឬ សេវាកម្មនៅផ្ទះ និងសហគមន៍។
    - បានចុះឈ្មោះក្នុង PACE ឬ ក្នុងមូលនិធិថែទាំសុខភាពជំងឺអេដស៍ AIDS ។
    - រស់នៅក្នុងកូដតំបន់ជនបទខ្លះនៃខោនធី Los Angeles, Riverside និង San Bernardino។

តើអ្វីជាជម្រើសរបស់អ្នក ប្រសិនបើអ្នកមាន Medicare និង Medi-Cal?

1. ជម្រើសដំបូងរបស់អ្នកគឺត្រូវចូលរួមក្នុង Cal MediConnect។

- - អ្នកនឹងទទួលផលប្រយោជន៍ Medicare និង Medi-Cal ដែលអ្នកមានស្រាប់ទាំងអស់ក្នុងគម្រោងតែមួយ។
  - អ្នកនឹងមានតែប័ណ្ណមួយប៉ុណ្ណោះដើម្បីបង្ហាញនៅពេលណាត់ជួប និងលេខទូរស័ព្ទមួយដើម្បីហៅទូរស័ព្ទទៅសួរសំណួរ នៅពេលអ្នកមានបញ្ហា និងនៅពេលអ្នកត្រូវការជំនួយជាមួយការថែទាំសុខភាពរបស់អ្នក។
  - អ្នកនឹងទទួលផលប្រយោជន៍ភ្នែក និង ការធ្វើដំណើរបន្ថែម ដែល Medicare និង មិនមែនជាការផ្តល់ជូនរបស់ Medi-Cal ឡើយ។
  - អ្នកអាចធ្វើការជាមួយអ្នកសម្របសម្រួលការថែទាំ ដែលអាចជួយឲ្យអ្នកគ្រប់គ្រងការណាត់ជួប និងវេជ្ជបញ្ជារបស់អ្នក ព្រមទាំងធានាថា អ្នកនឹងទទួលការថែទាំ និង សេវាកម្មនានាដែលអ្នកត្រូវការ។
  - វេជ្ជបណ្ឌិត និង អ្នកផ្ដល់សេវាដែលបានទទួលការយល់ព្រមរបស់ Cal MediConnect ផ្សេងទៀតនឹងធ្វើការរួមគ្នា ដើម្បីឲ្យអ្នកទទួលការថែទាំដែលអ្នកត្រូវការ។
    - - ប្រសិនបើវេជ្ជបណ្ឌិតរបស់អ្នកមិនមែនជាផ្នែកមួយនៃគម្រោងនេះទេ អ្នកត្រូវជ្រើសរើសវេជ្ជបណ្ឌិតថ្មីម្នាក់។
    អ្នកផ្ដល់សេវាផ្សេងទៀតនឹងមិនផ្លាស់ប្ដូរឡើយ ដូចជាអ្នកផ្ដល់សេវាសម្រាប់សេវាកម្ម Medi-Cal ដូចជា សេវាកម្មគាំពារនៅផ្ទះ (In-Home Supportive Services ឬ IHSS), កម្មវិធីសេវាកម្មមនុស្សចាស់តាមពហុបំណង (Multipurpose Senior Services Program ឬ MSSP) សេវាកម្មមនុស្សពេញវ័យផ្អែកក្នុងសហគមន៍ (Community-Based Adult Services ឬ CBAS) និង ការថែទាំមនុស្សចាស់នៅតាមផ្ទះ។

2. ជម្រើសទីពីររបស់អ្នកគឺរក្សា Medicare របស់អ្នកតាមវិធីដែលមានសព្វថ្ងៃ និង ចុះឈ្មោះក្នុងគម្រោង Medi-Cal មួយប៉ុណ្ណោះ។

- - ជម្រើសនេះនឹងអាចឲ្យអ្នកចំណេញថ្លៃឈ្នួលសេវាកម្ម Medicare និងអត្ថប្រយោជន៍ Medicare ដូចដែលពេលនេះដែរ ហើយបញ្ចូលទៅក្នុងផែនការ Medi-cal សម្រាប់អត្ថប្រយោជន៍ Medi-Cal របស់អ្នកទៀតផង។
  - ប្រសិនបើអ្នករក្សាទុក Medicare ជាជម្រើសរបស់អ្នក អ្នកត្រូវតែជ្រើសរើសផែនការ Medi-Cal ដើម្បីបន្តទទួលបានអត្ថប្រយោជន៍ Medi-Cal របស់អ្នក។

3. ជម្រើសទីបីគឺចុះឈ្មោះក្នុងកម្មវិធីថែទាំសុខភាពដែលបានរួមបញ្ចូលទាំងអស់សម្រាប់ប្រជាពលរដ្ឋដែលមានវ័យចំណាស់ (Program of All-inclusive Care for the Elderly ឬ PACE) – ជំនួសឲ្យ Cal MediConnect ឬ MLTSS។

- - PACE គឺជាគម្រោង Medicare និង Medi-Cal តាមជម្រើសសម្រាប់ប្រជាពលរដ្ឋដែលទទួលសិទ្ធិចំពោះកម្មវិធីទាំងពីរ និងប្រជាពលរដ្ឋដែលចង់បានការថែទាំកម្រិតខ្ពស់។
  - ដើម្បីទទួលសិទ្ធិ អ្នកត្រូវតែ៖ មានអាយុ 55 ឆ្នាំ ឬ ចាស់ជាងនេះ រស់នៅក្នុងផ្ទះរបស់អ្នក ឬ សហគមន៍របស់អ្នក ត្រូវការកម្រិតនៃការថែទាំខ្ពស់ និង រស់នៅក្នុងកូដតំបន់ដែលផែនការ PACE ដែលបានបើកបម្រើ។
  - អ្នកអាចជួបតែជាមួយវេជ្ជបណ្ឌិតដែលជាផ្នែកមួយនៃបណ្ដាញ PACE ប៉ុណ្ណោះ។
  - ក្នុងអំឡុងពេលដែលយើងកំពុងពិនិត្យដើម្បីមើលថា តើអ្នកអាចចូលរួមក្នុង PACE ទេ អ្នកនឹងមិនអាចចុះឈ្មោះក្នុងផែនការផ្សេងទៀតឡើយ។ ទោះជាយ៉ាងនេះក្ដី អ្នកនៅតែត្រូវជ្រើសរើសផែនការ Cal MediConnect ឬ គម្រោង Medi-Cal មួយដដែល។ យើងនឹងត្រូវការដឹងពីជម្រើសរបស់អ្នក ក្នុងករណីដែលអ្នកមិនទទួលសិទ្ធិសម្រាប់ PACE។

[/toggle] [/accordion][accordion multiopen=”true”] [toggle title=”ទៅជាជម្រើសរបស់អ្នក ប្រសិនបើអ្នកមានតែ Medi-Cal ឬមិនបានទទួលសិទ្ធិសម្រាប់ Cal MediConnect ប៉ុន្តែមាន Medi-Cal?” state=”closed”] ទៅជាជម្រើសរបស់អ្នក ប្រសិនបើអ្នកមានតែ Medi-Cal ឬមិនបានទទួលសិទ្ធិសម្រាប់ Cal MediConnect ប៉ុន្តែមាន Medi-Cal?

អ្នកត្រូវតែរើសផែនការ Medi-Cal មួយ ដើម្បីឲ្យសេវាកម្ម Medi-Cal របស់អ្នកដូចជា LTSS និង សេវាដែល Medi-Cal ធ្វើការជាមួយ Medicare ទូទាត់ប្រាក់ឲ្យ។ សេវាកម្ម LTSS រួមទាំងកម្មវិធីសេវាកម្មសម្រាប់មនុស្សចាស់តាមពហុបំណង (Multipurpose Senior Services Program ឬ MSSP) សេវាកម្មសម្រាប់មនុស្សពេញវ័យផ្អែកលើសហគមន៍ (Community-Based Adult Services ឬ CBAS) សេវាកម្មគាំពារតាមផ្ទះ (In-Home Supportive Services ឬ IHSS) និង ការថែទាំសុខភាពរយៈពេលវែង។

ចុះប្រសិនបើអ្នកទទួលសិទ្ធិសម្រាប់ Cal MediConnect ប៉ុន្តែមិនចង់ចូលរួម?

អ្នកមិនចាំបាច់ចូលរួមក្នុងគម្រោង Cal MediConnect ឡើយ។ ប្រសិនបើអ្នកមិនចង់ចូលរួមទេ អ្នកមិនចាំបាច់ធ្វើអ្វីឡើយ រហូតដល់អ្នកទទួលលិខិតរបស់អ្នក។ បន្ទាប់មក អ្នកអាចប្រាប់រដ្ឋថា អ្នកមិនចង់ចូលរួមក្នុង Cal MediConnect។ អ្នកអាចធ្វើដូច្នេះបានតាមរយៈការផ្ញើទម្រង់បែបបទជាជម្រើសរបស់អ្នក (Choice m) ដែលនឹងអមមកជាមួយសំបុត្ររបស់អ្នក ឬ ដោយការហៅទូរស័ព្ទទៅផ្នែកជម្រើសការថែទាំសុខភាព (Health Care Options) តាមលេខ 1-844-580-7272 ឬ TTY 1-800-430-7077។ សូមចងចាំថា ប្រសិនបើអ្នកជ្រើសជម្រើសនេះ អ្នកនៅតែត្រូវជ្រើសផែនការ Medi-Cal មួយដដែល សម្រាប់សេវាកម្ម Medi-Cal របស់អ្នក។

ចុះបើអ្នកចូលរួមក្នុង MediConnect ហើយចង់ប្ដូរចិត្តរបស់អ្នក?

ប្រសិនបើអ្នកជ្រើសរើសការសាកល្បងផលប្រយោជន៍ទាំងអស់នៃ Cal MediConnect រួចហើយប្ដូរចិត្តរបស់អ្នក បន្ទាប់ពីអ្នកបានចុះឈ្មោះ អ្នកអាចប្ដូរផែនការ ឬ លុបឈ្មោះពី Cal MediConnect បាន នៅគ្រប់ពេល។ សូមកត់សម្គាល់ថា ប្រសិនបើអ្នកប្ដូរផែនការ ឬលុបឈ្មោះ វានឹងមិនទាន់មានប្រសិទ្ធភាពភ្លាមៗឡើយ រហូតដល់ថ្ងៃដំបូងនៃខែបន្ទាប់។

តើអ្នកអាចរក្សាទុកអ្នកផ្ដល់សេវារបស់អ្នកបានទេ?

ប្រសិនបើអ្នកចង់ចូលរួមក្នុង Cal MediConnect អ្នកត្រូវតែទៅជួបអ្នកផ្ដល់សេវាក្នុងបណ្ដាញផែនការ។ នេះមានន័យថា អ្នកអាចរក្សាការទៅជួបអ្នកផ្ដល់សេវាដដែល ដែលអ្នកទៅជួបនេះបាន លុះត្រាតែពួកគេជាផ្នែកមួយនៃផែនការ Cal MediConnect ។ បើពុំនោះ អ្នកនឹងត្រូវជ្រើសរើសអ្នកផ្ដល់សេវាថ្មីដែលធ្វើការជាមួយផែនការរបស់អ្នក – អ្នកទាំងនេះគឺជាអ្នកផ្ដល់សេវា “ក្នុងបណ្ដាញ”។

សូមចងចាំថា បើអ្នកផ្ដល់សេវាឲ្យអ្នកមិនស្ថិតក្នុងបណ្ដាញរបស់ Cal MediConnect ទេ ជានិច្ចកាល អ្នកអាចប្រាប់រដ្ឋថា អ្នកមិនចង់ចូលរួមក្នុងផែនការ Cal MediConnect ឡើយ ហើយគ្រាន់តែជ្រើសផែនការ Medi-Cal មួយប៉ុណ្ណោះ សម្រាប់សេវាកម្ម Medi-Cal របស់អ្នក។

អ្នកក៏អាចស្នើសុំការបន្តការថែទាំផងដែរ ដើម្បីរក្សាការជួបជាមួយវេជ្ជបណ្ឌិតរបស់អ្នកក្នុងអំឡុងពេលមួយ បន្ទាប់ពីអ្នកចូលរួមក្នុងផែនការ Cal MediConnect។ (សូមមើលខាងក្រោម។)

ចុះប្រសិនបើអ្នកផ្ដល់សេវាឲ្យអ្នកមិនធ្វើការជាមួយផែនការ Cal MediConnect របស់អ្នក ប៉ុន្តែអ្នកនៅតែចង់ចូលរួមក្នុង Cal MediConnect ដដែល?

ប្រសិនបើអ្នកផ្ដល់សេវាឲ្យអ្នកមិនធ្វើការឲ្យផែនការ Cal MediConnect របស់អ្នកទេ ប៉ុន្តែអ្នកនៅតែចង់ទទួលប្រយោជន៍ពី Cal MediConnect ដដែល អ្នកអាចស្នើសុំការបន្តការថែទាំ។

ការបន្តការថែទាំពីវេជ្ជបណ្ឌិត៖ ប្រសិនបើវេជ្ជបណ្ឌិត ឬ អ្នកឯកទេសបច្ចុប្បន្នរបស់អ្នកមិនស្ថិតក្នុងបណ្ដាញនៃគម្រោង Cal MediConnect របស់អ្នកទេ អ្នកអាចរក្សាការទៅជួបពួកគេដដែល ក្នុងរយៈពេលរហូតដល់ 6 ខែ (វេជ្ជបណ្ឌិត Medicare) ឬ 12 ខែ (វេជ្ជបណ្ឌិត Medi-Cal) ប្រសិនបើ៖

- - - អ្នកមានទំនាក់ទំនងស្រាប់ជាមួយអ្នកផ្ដល់សេវាឲ្យអ្នក
    - វេជ្ជបណ្ឌិតរបស់អ្នកមានបំណងទទួលការបង់ប្រាក់ពីផែនការ Cal MediConnect និង
    - វេជ្ជបណ្ឌិតរបស់អ្នកមិនបានដកចេញពីផែនការ ដោយសារមូលហេតុគុណភាព។

ការបន្តការថែទាំនៅកន្លែងគិលានុបដ្ឋាន៖ អ្នកអាចស្នាក់នៅក្នុងផ្ទះថែទាំបច្ចុប្បន្នរបស់អ្នកបាន ក្រោមផែនការ Cal MediConnect។ ផែនការសុខភាពថ្មីរបស់អ្នកត្រូវសហការជាមួយកន្លែងថែរក្សាមនុស្សចាស់ លុះត្រាតែកន្លែងថែរក្សាមនុស្សចាស់នោះមិនស្ថិតក្នុងបណ្ដាញផែនការ ដោយសារមូលហេតុគុណភាព។

ការគាំទ្រ និង សេវាកម្មរយៈពេលវែង (Long-Term Supports and Services ឬ LTSS)៖ សេវាកម្មគាំពារនៅតាមផ្ទះ (In-Home Supportive Services ឬ IHSS), សេវាកម្មមនុស្សពេញវ័យក្នុងសហគមន៍ (Community-Based Adult Services ឬ CBAS) និង កម្មវិធីសេវាកម្មមនុស្សចាស់តាមពហុបំណង (Multipurpose Senior Services Program ឬ MSSP) នឹងនៅដដែលដូចសព្វថ្ងៃ ប្រសិនបើអ្នកចូលរួមក្នុង Cal MediConnect ឬបើអ្នកចូលរួមក្នុងផែនការ Medi-Cal។

អ្នកផ្ដល់សេវាផ្សេងៗ៖ ការបន្តការថែទាំមិនអនុវត្តចំពោះអ្នកផ្គត់ផ្គង់គ្រឿងបរិក្ខារវេជ្ជសាស្ត្រ, សម្ភារៈវេជ្ជសាស្ត្រ ឬការធ្វើដំណើរឡើយ។ ការបន្តការថែទាំនេះក៏មិនអនុវត្តចំពោះអ្នកផ្ដល់សេវាសុខភាពនៅផ្ទះ ឬ ការព្យាបាលដោយចលនាដែរ។

តើព័ត៌មានអ្វីទៀតដែលអ្នកគួរពិចារណា?

សៀវភៅមគ្គទេសក៍ របស់អ្នក មានព័ត៌មានអំពីផែនការដែលអ្នកអាចចូលរួម។ សូមទំនាក់ទំនងតាមលេខទូរស័ព្ទសេវាកម្មសមាជិកនៃផែនការ Cal MediConnect របស់អ្នក ដើម្បីសួរថាតើវេជ្ជបណ្ឌិតបច្ចុប្បន្នរបស់អ្នកធ្វើការជាមួយពួកគេទេ។ បើអ្នកចង់ស្វែងរកវេជ្ជបណ្ឌិតថ្មី ផែនការនេះអាចជួយអ្នកបាន។

សូមទំនាក់ទំនងទូរស័ព្ទផែនការ Cal MediConnect ដើម្បីឲ្យប្រាកដថា វារ៉ាប់រងលើថ្លៃថ្នាំពេទ្យដែលអ្នកត្រូវការទទួលទាន។ ត្រូវប្រាកដថា អ្នកមានឈ្មោះថ្នាំពេទ្យតាមវេជ្ជបញ្ជាជាក់លាក់នោះ នៅពេលទាក់ទងផែនការទាំងនេះ។

តើអ្នកអាចស្វែងយល់បន្ថែម ឬទទួលជំនួយពីកន្លែងណា?

កម្មវិធីប្រឹក្សា និង ជំនួយលើការធានារ៉ាប់រងសុខភាព (Health Insurance Counseling and Advocacy Program, HICAP) អាចជួយអ្នកឲ្យយល់ដឹងពីការផ្លាស់ប្ដូរទាំងនេះ និងជម្រើសថ្មីៗជាខេមរៈភាសា។ សូមទំនាក់ទំនងទៅទូរស័ព្ទលេខ 1-800-434-0222 ដើម្បីពិគ្រោះជាមួយអ្នកតំណាង HICAP ឬស្វែងរកលេខទូរស័ព្ទ HICAP ក្នុងស្រុករបស់អ្នក។

ជម្រើសការថែទាំសុខភាព ក៏អាចជួយអ្នកឲ្យយល់ដឹងពីកម្មវិធី Cal MediConnect និង Medi-Cal ផងដែរ ព្រមទាំងអាចជួយអ្នកក្នុងការចុះឈ្មោះក្នុងកម្មវិធីតាមជម្រើសរបស់អ្នក។ សូមទំនាក់ទំនងពួកគេតាមទូរស័ព្ទលេខ 1-844-580-7272 (TTY 1-800-430-7077)។

ចំពោះប្រជាពលរដ្ឋដែលបានចុះឈ្មោះក្នុង Cal MediConnect ហើយយើងមានកម្មវិធីជំនួយការច្បាប់ក្រៅរដ្ឋាភិបាលនៃ Cal MediConnect មួយដែលអាចផ្ដល់នូវជំនួយបន្ថែមក្នុងការដោះស្រាយបញ្ហាដែលអ្នកមានជាមួយផែនការសុខភាពរបស់អ្នក។ (អ្នកគួរទំនាក់ទំនងទៅផែនការរបស់អ្នកជាមុនសិន ប្រសិនបើពួកគេអាចជួយអ្នកទាក់ទងទៅរកជំនួយការច្បាប់ក្រៅរដ្ឋាភិបាល។) សូមទំនាក់ទំនងទៅពួកគេតាមទូរស័ព្ទលេខ 1-855-501-3077 (TTY 1-855-874-7914)។

អ្វីដែលអ្នកត្រូវដឹង អំពីគម្រោង Cal MediConnect